И покрај тоа што во трката за градоначалник на Локалните избори се натпреваруваа вкупно 32 жени, избрани беа само четири, што претставува само 10, 35 отсто од сите 309 кандидати за градоначалници.

Една од четирите беше избрана во првиот круг, а три во вториот.

На чело на општина Кисела Вода застана Бети Стаменкоска Трајкоска од ВМРО-ДПМНЕ, која беше избрана уште во првиот круг.

Во Македонска Каменица, Соња Стаменкова од СДСМ го освои својот втор мандат.

Марија Нацева од ВМРО-ДПМНЕ победи во Неготино, а нејзината сопартијка Наталија Димитриева ќе ја предводи општината Демир Капија.