Садики за Студеничани: Немаме заразен од коронавирус, секојдневно сме во координација со полицијата
Градоначалникот на Студеничани, Азем Садики во „Утрински брифинг“ за „Слободна ТВ“ зборуваше за состојбата во оваа општина.
-Ги спроведуваме мерките на Владата, и иако немаме заразен од коронавирус, ние максимално се трудиме да ги почитуваме препораките, рече Садики.
Полицискиот час се почитува, исклучок ќе има за земјоделците и сточарите.
-Ги дезинфицираме школите, верските објекти, јавните површини. Во голема мера се почитува полицискиот час. Сега земјоделците и оние кои се занимаваат со сточарство викендов ќе имаат можност да излезат и да ја работат својата работа. Секојдневно сме во координација со полицијата. Во соработка со министерството за здравство дониравме и возило за брза помош кое ќе биде во служба на сите граѓани, изјави Садики.