Авион со руска делегација слета во Женева, каде што на 17 и 18 февруари ќе се одржат трилатерални разговори меѓу Русија, Украина и САД за евентуално решавање на конфликтот меѓу Москва и Киев. Кремљ објави дека, за разлика од претходните состаноци во Абу Даби, овој пат ќе се дискутира за поширок спектар на прашања.

Извор од руската делегација им изјави на медиумите во таа земја дека авионот со делегацијата предводена од помошникот на претседателот Владимир Медински успешно пристигнал во Швајцарија. Видеото од пристигнувањето на авионот го објави агенцијата RUPTLY, пренесува Тајмс оф Израел.

Швајцарското Министерство за надворешни работи објави дека разговорите ќе бидат затворени за јавноста. На новинарите ќе им биде дозволен пристап само до видео снимки од пристигнувањето на делегациите и фотографии од почетокот на состанокот, додека самите преговори ќе се одржат без присуство на медиумите.