Портпаролката на руското Министерство за надворешни работи, Марија Захарова, денеска изјави дека обвинувањата против Русија за дронови наводно откриени во земји од Европската Унија се неосновани и неподдржани со докази.

„Сите обвинувања што ги слушаме, особено за дронови некаде во земји од Европската Унија, се неосновани. Не е претставен ниеден факт, материјал или доказ“, изјави Захарова.

Таа рече дека докази не биле доставени ниту до Русија ниту до јавноста во земјите од ЕУ.

Претходно истиот ден, романското Министерство за национална одбрана соопшти дека руски дрон навлегол во романскиот воздушен простор и паднал врз станбена зграда, предизвикувајќи пожар и повредувајќи двајца.

По инцидентот, Романија одлучи да го затвори рускиот Генерален конзулат во Констанца и да го прогласи генералниот конзул за персона нон грата, соопшти романскиот претседател Никушор Дан.

Захарова изјави дека Русија наскоро ќе одговори на мерките преземени во врска со оваа одлука.

Романија нареди затворање на рускиот конзулат во Констанца — конзулот е прогласен за персона нон грата