Роналдо има сопствен музеј, погледнете го неговото „кралство“ (ВИДЕО)
Португалскиот репрезентативец и член на Јувентус, Кристијано Роналдо, времето поминато во изолација во родната Мадеира го искористи да го преуреди сопствениот музеј. Музејот е отворен уште во 2013 година и тоа од страна на неговиот поранешен клуб, Спортинг Лисабон, но сега Роналдо одлучи да го преуреди по сопствен вкус.
Очекувано, името на музејот но и продавницата во која се наоѓаат производите кои се посветени на Роналдо се вика „CR7 Museum Online Store“.
„Здраво момци, потпишав некои работи за вас. Тука сум, во својот музеј, погледнете ја онлајн продавницата… Има се и сешто и се надевам дека ќе ви се допадне“, порачува Роналдо во промотивното видео посветено на музејот.
Во музејот се наоѓаат златните топки, златните копачки, дресови и трофеои как и сите пет пехари од Лигата на шампионите кои Кристијано Роналдо ги освои со Манчестер јунајтед и Реал Мадрид.
