Романија која е држава членка на НАТО одлучи да ја приземји својата флота на борбени авиони од моделот „МиГ 21“. Оваа одлука на армискиот врв на Романија се должи на проценката дека овие авиони имаат „висока стапка на несреќи“.

Во соопштението до јавноста на романското министерство за одбрана се информира дека паралелно со процесот на приземјуваењ на авионите од советско потекло, земјата ќе го забрза процесот за набавка на  користени авиони Ф-16 од Норвешка.
Романските власти информираат дека овој чин на државата не е поврзан со руската инвазија на Украина, со која Романија дели дури 650 километри граница.

Во периодот додека не се набави поголем број на летала Романија својот авио простор ќе го обезбедува со својата мала флота од авиони Ф-16 што ги купи минатата година од Португалија. Дополнително, објаснуваат од романското министерство за одбрана, воздушниот простор над државата го бранат сојузничките сили како дел од заштитата на источното крило на НАТО.