Риека за Велковски: Ретко ќе одигра добро како за репрезентацијата
Претседателот на хрватскиот фудбалски клуб, Дамир Мишковиќ за „Канал Ри“ истакна дека еден играч на Риека, воедно и репрезентативец, игра далеку под очекувањата.
– Бев убеден дека кога го имате македонскиот репрезентативец Дарко Велковски во тимот, дефанзивец кој игра извонредно за репрезентацијата, тогаш го решивте тој проблем во одбраната.
Но, Велковски има големи осцилации во клубот и ретко игра добро како и за репрезентацијата. Тој е големо разочарување за мене – рече Мишковиќ.
Моментно во најсилната хрватска лига Риека е на првото место на табелата со 20 бодови, колку што има и второпласираниот Осиек, со напомена дека екипата на Горан Томиќ има еден меч помалку, а два помалку Динамо Загреб на Аријан Адеми и Стефан Ристовски на третата позиција со 19 бодови.
Велковски ја игра четвртата сезона во редовите на Риека, во тековната сезона досега има шест настапи.