Рекорден број на починати од Ковид-19 во Москва и Санкт Петербург
Руските власти објавија дека Москва и Санкт Петербург, двата града во кои се шири делта варијантата, имаа рекорден број на починати од Ковид-19 во еден ден, пренесува ХИНА.
Според службените податоци, рускиот главен град имал 124, а вторион најголем град во земјата имал 110 починати, со што овој викенд е срушен рекордот. Во цела Русија дневниот број на новозаразени е 21.650 илјади, а од почетокот на пандемијата е 5.4 милиони. Во последниве 24 часа имаат починато 611 луѓе, со што вкупниот број на починати во земјата е 133.893 илјади луѓе.
Градоначалникот на Москва, Сергеј Собјанин изјави дека секој ден во тој град се хоспитализираат 2 илјади луѓе со што е пополнето 75 % од достапните болнички кревети.
Санкт Петербург во петок ќе биде домаќин на четврт-финалето на Европското првенство во фудбал.
Во Русија продолжува масовното вакцинирање на луѓето, каде од 146 милиони Руси, најмалку една доза имаат примено 21.8 милиони луѓе.