Реконструкција на железничкиот премин во Дељадровци, следни се во Миладиновци и во Илинден
Општина Илинден и ЈП ,,Македонски железници и инфраструктура” започнаа со реконструкција и модернизација на железничкиот премин во Дељадровци, а работните активности се предвидува да завршат за седум дена, доколку тоа го дозволат временските услови. Во тој период, додека траат градеѓните зафати овој патен премин ќе биде целосно затворен за употреба.
Железничкиот патен премин во Дељадровци ќе биде реконструиран со нова модерна подлога од рециклирани гумени елементи според највисоки стандарди, со што ќе се овозможи лесно поминување преку железничката пруга, и ќе се намали амортизацијата на автомобилите – информираат од Илинден.
Оттаму најавуваат дека по завршувањето на реконструкцијата на овој железнички премин, ќе се продолжи со реконструкција и на премините во Миладиновци и Илинден.