Германија за време на викендот ќе биде зафатена од редок временски феномен – во некои делови од земјата ќе паѓа „крвав снег“. Експертите истакнуваат дека „крвавиот снег“ е безопасен по здравјето на луѓето и животните, но дека остава траги на ветробранските стакла на автомобилите, пренесува „Билд“.

Како настанува „крвавиот снег“?

Феноменот настанува како директна последица на движењето на воздушни маси од Африка, а кога огромни количини сахарска прашина богата со железо ќе пристигнат до европскиот континент, при судир со студен бран тие се мешаат со врнежите – снег или дожд.

Во текот на летните месеци вообичаена е појавата на „крвав дожд“, кој остава препознатливи црвенкасти или кафеави траги на автомобилите, прозорците и фасадите.