Без разлика дали сте мамурни или сакате да јадете нешто брзо и вкусно без да потрошите премногу време во кујната, тестенините со колбаси и лута пиперка можат да бидат одговор на вашите желби. Наместо пиперка, ќе ви помогне и една лажичка чили во прав, а ако сакате, тестенините можете да ги посипете и со рендано сирење.

Состојки:

– 2 пара колбаси за печење
– 1 голем кромид
– 2 чешниња лук
– 1 лажичка чили во прав или 1 лута пиперка
– 400 грама домати пелат во конзерва
– 300 грама тестенини

Подготовка:

Загрејте ја водата за тестенините, па кога ќе зоврие, додајте ги тестенините и варете онолку колку што е наведено на пакувањето.

Колбасите исечкајте ги на покрупни кругови и пропржете ги од сите страни и додајте ги исечканиот кромид и изгмечениот лук.

Кога кромидот и лукот ќе омекнат, измешајте ги чилито или лутата пиперка (исчистена и исечкана), па сипете ги пелатите. Откако ќе зоврие сосот, варете го уште десетина минути да се згусне, па додајте ги исцедените тестенини. По желба посипете со сирење и послужете.