Рецепт за десерт што мириса на лето: Колач со кајсии готов за час!
Искористете ја сезоната на кајсии и направете го овој мек и ароматичен колач. Домот ќе ви мириса на лето, ќе ви поттикне убави спомени и фантазии за иднината. Уживајте во домашниот ароматичен колач, кој мириса на вашето омилено сезонско овошје.
Препорачано
Состојки:
– кајсии
– 4 јајца
– 150 грама мелени бадеми
– 100 грама остро брашно
– 100 грама путер
– 100 грама шеќер
– 2 мали лажички прашок за печиво
– малку презла за посипување на плехот
Подготовка:
Измијте ги кајсиите, извадете ги семките и исечете ги на помали парчиња. Плехот за печење намачкајте го со маргарин и посипете го со презла.
Маргаринот растопете го на тивок оган.
Во сад помешајте ги брашното, прашокот за печиво и бадемите. Во друг сад пет минути матете ги јајцата со шеќерот.
Разладениот маргарин полека додавајте го во смесата со јајца и шеќер, а потоа постепено додајте ги брашното, бадемите и прашокот за печиво.
Ставете ја смесата во плехот и одозгора распоредете ги кајсиите.
Ставете го колачот во рерна загреана на 180 степени и печете околу 30 минути.
