Универзитетскиот професор Ѓорѓи Спасов денеска го коментираше контроверзниот говор кој пред верниците во Кавадарци до одржа митрополитот на МПЦ-ОА Агатангел, кој ја нарече ВМРО-ДПМНЕ „најсвета партија“ и се помоли Господ и Богородица да му помогнат на Христијан Мицкоски „да врати сѐ што Македонија изгуби во изминатиот период“.

„На човекот треба да му биде дозволено за Свети Трифун само да собира прачки а не да држи говори. Прашање е само дали и за тоа го бива. Тој главно ги погани работите. И само Мицкоски не гледа во тоа проблем. А, тој што во тоа не гледа проблем, и самиот е проблем, пишува Спасов во својот коментар на Фејсбук.

Свој став во врска со денешните изјави на владиката даде и професорката Ана Павловска Данева.

„Многу тажно и срамно кога поп се бави со политикантство. Без оглед за која партија одработува!“, напиша професорката.