Американските актери, музичари и спортисти се длабоко потресени за трагедијата која се случи во основното училиште во Тексас и повикаа на посилна контрола на поседувањето оружје во таа земја.

ВИДЕО | Масакр во училиште во Тексас: Ученик уби 19 деца и двајца возрасни

Уште еднаш трагично докажавме дека не успеваме да бидеме одговорни за правата што ни ги даваат нашите слободи, изјави најпознатиот актер со потекло од Тексас, Метју Меконахи, во чиј роден град Увалде во средата тинејџер уби 18 основци и двајца возрасни…

52-годишниот актер ги охрабри Американците да најдат „заеднички јазик“ со цел да се запрат масовните престрелки.

„А на оние кои денес ги оставиле своите најблиски не знаејќи дека тоа е збогум, ниту еден збор не може да ја сфати или излечи вашата загуба, но ако молитвите можат да пружат утеха, ние ќе продолжиме да се молиме“, заклучи Меконахи.

Кон апелот за посилна контрола и промена на законот за поседување оружје се приклучи и актерот Крис Еванс.

„Доста е!!!“, напиша 40-годишниот Еванс на својот твитер-профил.

FUCKING ENOUGH!!!!

— Chris Evans (@ChrisEvans) May 24, 2022

Се огласи и славната пејачка Селена Гомез која исто така потекнува од Тексас.

„Ако децата не се безбедни во училиште, тогаш каде се безбедни?“, праша пејачката и актерка Гомез.

„Доста е. Ова едноставно мора да се промени. Мора…“, порача кошаркар ЛеБрон Џејмс на неговиот официјален твитер-профил.

ЛеБрон Џејмс / EPA-EFE/ERIK S. LESSERКим Кардашијан сподели графичка со која порача дека системот ништо не прави за да се спречат вакви настани.

„Ми се лоши. Испраќам љубов и молитви до семејствата погодени од оваа трагедија“, напиша моделот Кендал Џенер.