Расте бројот на заразени во Шведска, се размислува за нови мерки

Шведска, која претходно одбиваше изолација како средство за сузбивање на пандемијата од ковид-19, ги гледа првите знаци на повторен пораст на бројот на заразени и сега би можела да воведе нови мерки во престолнината, рекоа денеска водечките фунционери задолжени за здравството.

Шведскиот модел на постапување со кој предност се даваше на личната одговорност на секој граѓанин пред мерките на ограничување кои би ги вовела владата беше остро критикуван на крајот на пролетта кога таа земја имаше голем број починати во однос на соседството, но од друга страна официјални лица од СЗО сметаа дека тоа е одржлив модел.

Заразите значително опаднаа летово и Шведска до сега го избегна остриот раст на новозаразени со каков минатиот месец се соочија Шпанија, Франција и Велика Британија.

Прочитајте и...  ВИДЕО: На вештачки остров во Дубаи отворена најголемата фонтана во светот: Две Гинисови атракции на вода во ист емират

Меѓутоа од петокот се потврдени околу 1.200 нови случаи и пет жртви. Порастот на нови случаи не може да се објасни само со зголемениот број на тестирања, објави Агенцијата за јавно здравство.

„Расте просечниот број на новозаразени“, рече Андерс Тегнел, водечкиот државен епидемиолог и автор на шведскиот модел.

„Тоа засега не се одразува на здравствениот систем“, рече тој и оцени дека бројот на нови случаи е многу низок, како и бројот на умрени.

„Но не можеме да го исклучиме воведувањето на нови мерки во главниот град. Разговараме со Стокхолм за тоа треба ли да се воведат нови мерки за намалување на ширењето на заразата. Што точно ќе се случи, за тоа ќе разговараме во идните пет дена“, додаде тој.

Прочитајте и...  Бугарскиот министер за здравство: Лекарите се уморни, истоштени, а дел од нив и заразени

Шведска имаше 5.870 смртни случаи од почетокот на пандемијата, што е далеку повеќе по глава на жител отколку во соседните нордиски земји, но исто така имаше помал број од Италија и Шпанија кои одбраа изолација.

 

Поврзани вести

Баба од Мадрид на 99 години ја победи короната, им се врати на омилените серии и игри на таблетот

Слободен печат

Мицкоски: Законот за заразни болести во кој се колне Филипче не е за болните, туку за надлежностите и процедурите

Слободен печат

Автобусите на ЈСП утре ќе сообраќаат по неделен возен ред

Слободен печат

Попоски позитивен на ковид-19

Слободен печат

ВИДЕО: На згради во француските градови се прожектираа карикатури од Мухамед од „Шарли Ебдо“

Слободен печат

Дваесет и еден вработен во болница во Загреб позитивни на ковид-19

Слободен печат

Остави Коментар