Ранети двајца полицајци во Чикаго во обид да разбијат толпа насобрана по прославата на 4 јули

Полициско возило / Фото: Слободен печат, архива

Двајца полицајци од Чикаго беа ранети рано утрово додека се обидуваа да разбијат толпа луѓе што се собраа по прославата на 4 јули, соопштија властите.

Пукањето се случило околу 1:45 часот изутрината на западната страна на градот, помалку од еден час откако две лица загинаа, а четворица беа ранети при пукање во паркот Вашингтон на јужната страна од градот, јави АП.

Помеѓу петокот вечерта и понеделникот наутро, 12 лица беа убиени во Чикаго, а најмалку 40 други се здобиле со прострелни рани, според полициската статистика.

Бидејќи до понеделник е продолжен празничен викенд, конечната статистика нема да биде достапна до вторник.

Полицијата соопшти дека 33 полицајци биле застрелани оваа година, во споредба со претходната година, кога 22 полицајци биле цел на напади.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот