Албанскиот премиер Еди Рама денес ќе отпатува за Рим за да учествува на првиот состанок заеднички состанок на двете влади, со цел понатамошно продлабочување на соработката меѓу земјите, преку заеднички проекти, во области како што се економијата, енергетиката, одбраната, инфраструктурата итн, објави Ора њуз.

Првиот состанок меѓу владите на двете земји, со кој ќе претседаваат премиерката на Италија, Џорџа Мелони и премиерот Еди Рама, е потврден од италијанската влада преку известување објавено на официјалната веб-страница, во кое се наведува дека првиот меѓувладин самит Италија-Албанија ќе се одржи во четврток, 13 ноември, во 11:30 часот.

Премиерот Еди Рама сподели објава во која пишува дека се очекува да се отвори патот за 16 договори меѓу двете земји.

„Добро утро и со гордост за уште еден историски ден во меѓународните односи на Албанија, првиот заеднички состанок меѓу двете влади, кој се одржува во Рим за да се отвори патот за 16 нови конкретни договори за соработка во рамките на блиското стратешко партнерство со нашиот драгоцен западен сосед, ви посакувам добар ден“, пишува Рама.

Во четврток, премиерот Рама ќе се сретне со италијанската премиерка Џорџа Мелони, а потоа, заедно со делегацијата на министри од кабинетот што го придружуваат, ќе учествува на пленарната седница на двете влади.

На дневен ред во четврток е и размена на билатерални договори и меморандуми за разбирање.

Буџетот за 2026 година го зголемува товарот на трошоците за безбедност, а ги намалува трошоците за социјална заштита и образование.

Албанија и Италија ја потпишаа Декларацијата за стратешко партнерство во 2010 година.

„Постигнато е невозможното“: Рама објави дека Албанија ги отвори сите поглавја од преговорите за ЕУ