Западот влезе во стапица затоа што не можеше да ги предвиди тенденциите кои ќе придонесат за слабеење на неговата глобална доминација, изјави рускиот претседател Владимир Путин.

Рускиот лидер присуствуваше на прославата на стогодишнината на руската тајна разузнавачка служба во седиштето на Руската служба за надворешно разузнавање (СВР) и во таа прилика истакна дека приоритет на службата е стратешко прогнозирање на развојот на меѓународните процеси, пренесе Спутник.

Тој оцени дека во светот има многу истомисленици кои сакаат да одат по својот пат, само се плашат да кренат глава и гласно да зборуваат за тоа.

„Западот се обидува да ја игнорира реалноста што не му одговара, како и формирањето на мултиполарен светски поредок. Несомнено, тој не може целосно да ги игнорира овие објективни тенденции. Но, во пракса, неговата политика се води од една цел – да ја зачува сопствената доминација со сите средства“, изјави Путин.

Тој додаде дека догматизмот, товарот од минатото и неподготвеноста да се соочиме со вистината неизбежно го зголемуваат ризикот од натамошни непромислени импулсивни дејствија од страна на Западот.

Путин оцени дека денес Западот цинично користи милиони Украинци како потрошен материјал во своите геополитички игри и обиди да ја задржи Русија, а во „американскиот“ свет едноставно се газат правата на сите други.

Тој додаде дека обидите за задржување на Русија не се ништо повеќе од желба да не се дозволи Русија да се развива со потребното темпо и врз основа на традиционалните вредности кои и се неопходни.

„Какво ограничување е тоа? Тоа е едноставно борба против Русија“, изјавил Путин.