Во село во северна Индија, локалецот Шјам Бабу пронајде новороденче живо закопано во земјата. Првото нешто што го забележал била нејзината мала рака што штрчела од калта. Бебето, покриено со мравки и кал, било закопано на околу 30 сантиметри длабочина, но сè уште дишело, пишува Си-Ен-Ен.

Пронајдено во критична состојба, девојчето наречено Пари, што значи „ангел“, било хоспитализирано со тешки инфекции, респираторни проблеми и сепса. Лекарите се бореле за неговиот живот, но по неколку дена тоа починало.

Полицијата разгледува неколку можни мотиви, вклучително и грешка околу нејзината смрт, одбивање поради вродена попреченост или, најверојатно, инфантицид поради нејзиниот пол, односно трагичен резултат на длабоко вкоренетата преференција за машки деца во некои делови од Индија.

И покрај владините кампањи како „Спасете го девојчето, образувајте го девојчето“, активистите велат дека дискриминацијата и натаму е сурова реалност во земјата.