Првото „Бебе Тесла“: На пат кон болница, сопругот го вклучил автопилотот и ја породил сопругата
Кошмарот на секоја трудница и се оствари на 34-годишната Јиран Шери од Филаделфија. Додека таа и нејзиниот сопруг Китинг го носеле своето тригодишно дете во градинка, таа почувствувала голема болка. Бидејќи болницата била на 20 минути, сопругот направил храбар и паметен потег: го вклучил автопилотот на својата Тесла!
Додека со едната рака го држел воланот, со другата и помогнал на сопругата која била свиткана под совозачкото седиште, пишува Вашингтон пост.
Толку силно ми ја стисна раката што мислев дека ќе ми ја откорне. И реков да дише длабоко, адреналинот нè „убива“.
Отпрвин се обидов да го задржам бебето во стомакот, но на половина пат сфатив дека сепак ќе излезе. Сум видел такви работи само на филм. На крајот, се се заврши добро, благодарение на инженерите на Тесла на брилијантниот автопилот – изјави Китинг Шери.
До моментот кога семејството пристигнало во болницата, бебето веќе било надвор, а медицинските сестри ја сечеле папочната врвца над возачкото седиште.
Иако во болницата веќе беше наречена „Бејби Тесла“, девојчето на крајот го доби името Мејв Лили.