Прва лига: Кошаркарите на МЗТ го добија натпреварот против Чаир
Актуелниот шампион во Првата македонска кошаркарска лига МЗТ Скопје Аеродром славеше на гостувањето против Чаир со 89:84.
Овој меч на крајот од првото полувреме беше прекинат во четвртокот, па продолжи во саботата пред празни трибини во салата „Шабан Трстена“ во Чаир.
Во победничките редови доминираше Гилон со 19 поени и седум асистенции. На спротивната страна Галовеј имаше одлична партија од 40 поени и седум скокови.
Се одиграа уште два меча, Работнички славеше над Кожув со 92:73, додека Гостивар беше убедлив кај ФМП Академија со 102:82.
Табела: Работнички 36 бодови, МЗТ Скопје Аеродром 36, Пелистер 34, Еуро Никел 33, Чаир 2020 33, ТФТ 33, Феникс 2010, Гостивар 27, Кожув 25, ФМП Академија 24, Охрид 23, Вардар 23.