Норвешката полиција денес објави дека телото пронајдено на почетокот на годинава на крајбрежјето е идентификувано како тело на 15-месечно момче кое се удави во Ла Манш во октомври.

Детето со курдско-иранско потекло по име Артин се удави заедно со членовите на неговото семејство кога нивниот брод потонал додека се обидувале да стигнат до Велика Британија од Франција.

Посмртните останки на детето ќе бидат испратени во Иран, каде ќе бидат погребани. Телото го пронашле двајца полицајци во југозападна Норвешка за време на новогодишната ноќ, а неговиот идентитет е утврден врз основа на примерок од ДНК.