Професор – иноватор од Кавадарци има решение за проблемот со лажните дојави за бомби
По заканите за бомби во пет кавадаречки училишта изутринава, се огласи професорот иноватор Димитрија Ангелков од средното електро-машинско училиште во Кавадарци, кој смета дека постои решение за надминување на проблемот.
– Решение за дојавите е многу едноставно користење централиризан емаил сервер, на кој ќе бидат пријавени сите дигитални сертификати издадени од телеком и кибс. Така никој нема да може да прати емаил на школо ако нема валиден сертификат, добиен од телеком или од кибс. Решенија има, треба да се практикуваат. Друго решение е користење десктоп апликација вибер, кој работи, преку активација од мобилниот телефон, така исто секој што ќе се осуди да прати порака, ќе се знае од кого е пратена, смета професорот кој има добиено бројни награди за иновации.
Накратко кажано, вели професорот, со ова поединци нема да можат да праќаат мејлови по училишта, затоа што ќе им треба дигитален сертификат за да може електронски да комуницираат со училишта.
Во Полициска станица Кавадарци утрово околу 7 часот било пријавено дека на електронска адреса на пет училишта (две средни и три основни) во Кавадарци им била упатена закана за поставена експлозивна нaправа. Веднаш по добиената пријава, полицијата презела мерки за безбедно евакуирање од училиштата и во тек се антитерористички проверки.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот