Утрово пет училишта во Кавадарци добиле закани за поставени бомби.

– Денеска околу седум часот во Полициска станица Кавадарци било пријавено дека на електронска адреса на пет училишта, две средни и три основни во Кавадарци е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случајот, информира Ристе Самарџиев, портпарол на СВР Велес.

Информацијата за заканите со бомби ја потврди градоначалникот на Кавадарци Митко Јанчев кој ги наведе и училиштата каде преку е-меил се добиени заканите, и додаде дека освен училиштата, во село Марена евакуирана е и градинката, заради непосредната близина на подрачното училиште.

-Во тек се антитерористички проверки и се преземаат мерки за расчистување на случајот. Се замолуваат родителите дека нема потреба од паника, а учениците ќе бидат вратени на настава, откако екипите ќе ги прегледаат објектите и кога ќе се утврди дека истите се безбедни, напиша Јанчев на Фејсбук.