Цената на нафтата на тргувањата на светските пазари денеска го продолжи растечкиот тренд и стигна до највисоко ниво од март.

Растот е поддржан од намалувањето на залихите во САД, но и поради намалената понудата од страна на ОПЕК, и опоравување на побарувачката после попуштање на мерките на ограничување на движењето во повеќе држави, кое беше предизвикано од коронавирусот.

Северноморската нафта „Брент“, за испорака во јули ја зголеми цената за 1,5 % односно на 36,29 долари по барел.

Американската „лесна“ нафта ВТИ, поскапе за 67 центи или за 2% повеќе, и сега изнесува 34,16 долари, известува Ројтерс. Од 11 март ова е највисока цена на „црното злато“.