Претседателот на Австрија, Александар ван дер Белен, изјави дека се согласува со ставот на францускиот претседател Емануел Макрон во врска со безбедноста во Европа и состојбата во НАТО.

Тој по состанокот со претседателот на Белорусија, Александар Лукашенко, во Виена рекол дека за ЕУ е тешко да донесе единствена одлука во врска со надворешната политика, бидејќи е потребно да се усогласи ставот на сите 28 земји, а не само со одобрување на еден претседател.

– Во главно е потребно доста време за усогласување на мислењата. Некогаш саркастично се шегував за тоа гледајќи ја политичката структура на ЕУ – истакнал Ван дер Белен.

Дер Белен нагласил дека Макрон е во во право во врска со многу прашања, при изнесувањето на „дијагнозите за НАТО“, во интервјуто за магазинот „Економист“, кога францускиот лидер рече дека Алијансата доживеала „мозочна смрт“, пренесе ТАСС.

– Ќе учествуваме во други дискусии во обид да го најдеме патот за излез од оваа ситуација – додаде австрискиот претседател.

Изјавите на Макрон за НАТО наидоа на критики од страна на германската канцеларка Меркел и генералниот секретар на Алијансата, Јенс Столтенберг.