Престана продажбата на авиобилети за линијата Скопје-Софија-Скопје

Авиолинија Скопје-Софија / Фото: МИА

Бугарската авиокомпанија „ГуливЕр“ престанала да продава билети за летот Софија-Скопје по 21 мај, објави порталот специјализиран за вести од авиосообраќајот, „Exyuaviation.com“.

На веб-страницата на „ГуливЕр“ за онлајн продажба на билети пишува дека летовите од 21 мај натаму се распродадени. Ова е невообичаено, бидејќи од повторното воведување на летовите во март, интересот за линијата Софија-Скопје-Софија беше многу низок.

Од бугарската авиокомпанија, која во исто време престанала да продава карти и за линијата кон Тирана (од 14 мај), нема објаснување, па не е јасно дали се укинува линијата, која бугарскиот и македонскиот премиер, Кирил Петков и Димитар Ковачевски, ја најавуваа како голем чекор кон зближувањето на двете земји.

Скопје и Тирана беа единствените странски дестинации на „ГуливЕр“. Компанијата го одржуваше летот Софија-Скопје со турбопропелерски авион АТР 72-600, кој е со капацитет од 65 седишта, а летовите беа во понеделник и сабота, во 5 часот наутро.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот