5 C
Скопје

Правеле хрватски пасоши за криминалци од Србија и Црна Гора, уапсени 11 лица

Хрватската канцеларија за сузбивање на корупцијата и организираниот криминал (УСКОК) поведе обвинение против 11 лица кои се обвинети за набавка на хрватски документи од членови на организирани криминални групи од Србија и Црна Гора, со помош на фалсификувани документи, од 7.500 до 15 000 евра.

УСКОК ги товари осомничените за овозможување набавка на вкупно 75 лични карти и 75 пасоши на Република Хрватска издадени на туѓи лични податоци, кои тие ги користеле за повеќе од 4,1 милиони куни (околу 550.000 евра), од кои повеќето биле на организаторот на групата, објави  Хина.

Според обвинението, главниот осомничен, 47-годишниот Н. В., ги поврзал другите осомничени во заедничко дејствување во Хрватска и Србија, по што со клиентите се договорил за набавка на хрватски лични документи и пасоши со туѓи податоци за идентификација.

Прочитајте и...  Полицијата ги објави деталите од нападот со бомба во Пакрац, еден од повредените се бори за живот

Лидерот на групата е осомничен за набавување на неоригинални патни исправи на Србија од непознати лица со внесени податоци на хрватски државјани, на чии идентитети потоа би биле поднесени барања за издавање хрватски документи, со вметнати фотографии на вистински корисници.

Вистинските корисници тогаш лично оделе во полициските администрации во Хрватска и поднесувале барања за издавање документи по итна постапка.

Без сомневање во веродостојноста на документацијата што им е презентирана и идентитетот на апликантите, овластените службени лица издавале хрватски лични карти и пасоши врз основа на поднесените барања, со лични податоци на хрватски државјани чиј идентитет е потврден и со фотографии на вистински корисници, додаде Хина.

Поврзани вести

ЕУ усвои упатства за потврди за вакцинација

Слободен печат

Евидентирани нови 336 случаи на ковид-19, починаа 10 пациенти, оздравеа 385

Слободен печат

НУК: Не прифаќаме средба без Битиќи и сакаме да присуствуваме на состанокот со стопанските комори

Слободен печат

Јовески од собраниската говорница: Неблагодарно е да се коментираат состојбите во „Монструм”, предметот е во деликатна фаза

Слободен печат

Европол: Во Романија запленети речиси половина милион фалсификувани евра

Слободен печат

РСЕ: Бајден за сеопфатно решение што ќе доведе до признавање на Косово и Србија

Слободен печат

Остави Коментар