Претставникот во собранието на сојузната американска држава Џорџија, Дејвид Кларк, поднесе резолуција во корист на преименување на планината Сони, во близина на Атланта, по американскиот претседател Доналд Трамп.

Оваа планина, која се наоѓа во индијански резерват на околу 80 километри од Атланта, е именувана по прославен американски индијански поглавар од племето Чероки, кој им помогнал на првите доселеници во областа на Атланта во текот на 19 век, објавува „Њујорк пост“.

„Сони беше многу пријателски расположен и дарежлив човек и од благодарност за неговата помош доселениците ја именуваа планината по него. Не се пронајдени докази дека Индијанците Чероки ја нарекувале на друг начин освен планина“, пишува на спомен-плочата на индијанскиот поглавар.

Сепак, Кларк имаше спротивен став и инсистираше дека преименувањето на планината „би било признание за историското значење на лидерството и наследството на претседателот Доналд Џ. Трамп“.

Сони и неговиот народ биле протерани од нивната родна земја и протерани кон запад во 1838 година, но легендите велат дека духот на Сони сè уште живее на планината.