Пожар во селото Бучинци, гори стрниште
Во селото Бучинци утрово е пријавено дека гори стрниште на 200 метри од цркавата, соопшти Центарот за управување со кризи.
Информирани се пожарникарите од Територијалната противпожарна единица на Град Скопје.
ЦУК претходно соопштија дека во текот на изминатото деноноќие интервенирано е на 22 локации и сите пожари се изгаснати.
Вчера беа пријавени пожари на повеќе локации. Два пожари имало во Скопје, на улицата „Скупи“ во Карпош и кај новиот пат Сарај-Рашче, каде што горела сува трева.
Како што соопшти ЦУК, два пожари имало и во општина Новаци, кај село Далбеговци и Новаци кон Рибарци во месноста „Ергела“.
Изгасени се пожарите во Ресен, Крушево, три пожари во Гостивар, Дебар, општина Брвеница, Кичево, Штип, Пробиштип.
На територијата на Куманово вчера се изгаснати вкупно шест пожари, кај селата Брзак, Ропалце, Ваксинце, Ропалце – Умин дол, Рамановце, Средорек.