2 C
Скопје

Повторно судење за убиството во Ѓ. Петров во 2014 година: Родителите на покојниот Ангел Петковски одново сведочеа против обвинетиот Насер Ештрефи

По рочиштето за воведни зборови, во Кривичен суд Скопје денеска продолжи судењето против Насер Ештрефи кој е обвинет дека во мај во 2014 година во населбата Ѓорче Петров го лишил од живот Ангел Петковски. Овој предмет, со одлука на Врховен суд на РСМ, е вратен на повторно одлучување.

За настанот, пред кривичниот совет, по втор пат исказ даде мајката на починатиот Ангел Петковски, Благица. Дента на настанот, како што истакна Благица, била на работа и малиот син преку телефон ја информирал дека точакот им е украден.

– Воедно, и една пријателка ми се јави и ми кажа дека Ангел, е прободен со нож. Потоа со точак од работа тргнав кон дома, односно заминав на местото на настанот. Ми кажаа дека Ангел бил однесен во болица. Од гужвата некој зборуваше за ножот, слушав многу гласови, вриштења, рече сведокот Петковска.

Прочитајте и...  721 нови случаи на коронавирус, 9 лица починаа

Таа уште додаде дека и сега се чувствува многу лошо и дека нејзиниот син  Ангел бил примерно момче.

Таткото на  починатиот Ангел, Сашо Петковски, кој бил на лице место кога обвинетиот Ештрефи, го прободел неговиот син, истакна дека бил многу револтиран за кражбата на велосипедот и затоа двајцата  тргнале по потрага на точакот.

– Заедно со Ангел со кола тргнавме да го пресретнеме кај очната болница. Нашата цел беше да го најдеме точакот. По пат баравме, но не го видовме велосипедот. Тргнавме кон мостот на реката Вардар. Со голи раце тргнавме од дома. Потоа Ангел ми рече „татко ова е лицето што го украде точакот“. Тој потоа се фати на појасот, го извади ножот и го прободе Ангел. Јас потоа со дрво го удрив, а тој побегна заедно со ножот. Потоа се упатив кон очната болница да барам прва помош, рече сведокот Сашо Петковски.

Прочитајте и...  Шверцери фрлале мигранти од брод во Африка: Им викале „ве има премногу“, загинаа најмалку 20 луѓе

На денешното рочиште за овој предмет сведочеше и друго лице кој на денот на немилиот настан шетал со семејството кога видел група на луѓе, односно тепачка.

Повторната постапка против обвинетиот Насер Ештрефи ја води судијката Дијана Груевска Илиевска. Како застапник на обвинението е обвинителот Дарко Јакимовски.

Во образложението на  одлуката на Врховен суд на РСМ, се вели дека во доказната постапка има недостатоци и затоа случајот се враќа на повторно одлучување. Следното рочиште за овој предмет е закажано на 15 декември.

Поврзани вести

Турција во февруарска офанзива против Даеш и ИСИС приведе 165 осомничени за тероризам

Слободен печат

Израел крои планови како да ги заштити од апсење офицерите од војната во 2014 година

Цунами од потресни снимки од ужасот во Нов Зеланд ги преплави социјалните мрежи

Слободен печат

Повторно ставена во функција модуларната болница во Клиничкиот центар

Слободен печат

Ужасен напад во Црна Гора: Насилници врежаа крст на градите на ЛГБТ лице и му ги повредија гениталиите

Слободен печат

Филипче: Во текот на овој месец ќе почне имунизацијата на населението

Слободен печат

Остави Коментар