Во центарот на Скопје денеска ќе има посебен режим на сообраќајот поради протест од 12:00 часот кој ќе се одржи пред македонското Собрание, информираат од Министерството за внатрешни работи.

Пред Парламентот ќе се протестира поради незадоволството од одлуката на УЈП за оданочување на остварените приходи во странство.

-Денеска (28.04.2026) со почеток во 12:00 часот пред Собрание на Р.С.Македонија на ул.„11-ти Октомври“ од страна на група граѓани ќе се организира протест како израз на незадоволство поради постапувањето на Управа за јавни приходи (УЈП) во врска со барање данок за приходи остварени во странство, и доколку има потреба сообраќајот ќе биде пренасочен по околните сообраќајници. Од тие причини СВР Скопје – Единицата за безбедност на патниот сообраќај ќе преземе мерки за посебен режим на сообраќајот- се вели во соопштението.

Од Министерството апелираа до сите граѓани да ги почитуваат наредбите кои ќе ги даваат униформираните полициски службеници.