Според информациите на познатиот новинар Дејвид Орнштајн, Роберто Мартинез ќе биде наследникот на Фернандо Сантош на клупата на репрезентацијата на Португалија.

Мартинез ја водеше селекцијата на Белгија, но си замина по неуспехот на Светското првенство во Катар. По заминувањето од клупата на Белгија Мартинез потврди дека е спремен да прифати нов предизвик. Се очекуваше тоа да биде во клупскиот фудбал, но како што стојат работите повторно ќе предводи репрезентација.

Жозе Мурињо беше првата желба на Португалците, но подоцна стана јасно дека Португалецот нема да ја напушти Рома на која не и одговораше Мурињо да извршува две функции. Најавите на медиумите се дека Мартинез може да биде промовиран веќе наредната недела.

Една од главните дилеми кои ќе треба да ги реши Мартинез е дали Кристијано Роналдо ќе продолжи да добива повик по конфликтот кој го имаше со претходниот селектор Фернандо Сантош.

? EXCL: Roberto Martinez has reached verbal agreement to become Portugal coach. Appointment as Fernando Santos successor likely to be finalised towards end of next week. 49yo Spaniard has had club + int’l interest since leaving Belgium role @TheAthleticFC https://t.co/8sC6PhvdC3

— David Ornstein (@David_Ornstein) January 7, 2023