Брера Струмица официјално го претстави новото засилување во пресрет на пролетниот дел од сезоната.

Нов член на струмичкиот прволигаш е Леонардо Петровиќ, 22-годишно десно крило кое во Македонија пристигнува од редовите на хрватскиот второлигаш Кроациа Змијавци.

Петровиќ е фудбалски продукт на Хајдук Сплит, каде што ги помина сите младински селекции, а во текот на кариерата настапуваше како позајмен играч во Змијавци и Јадран. Иако беше дел од првиот тим на сплитските „били“, не запиша официјален настап, по што продолжи со настапи во БиХ, играјќи за Посушје и Радник Бијелина.

Есенската полусезона ја мина во Кроациа Змијавци, каде што настапи на 12 натпревари, постигна еден погодок и запиша две асистенции, по што сега ќе биде дел од составот на Брера Струмица во продолжението од сезоната.