Поп Ацев без конкуренција на Олимпискиот пливачки маратон во Охрид – Слободен печат
ОстанатoСпорт

Поп Ацев без конкуренција на Олимпискиот пливачки маратон во Охрид

Заврши и втората трка од Македонскиот куп во далечинско пливање и Интернационалниот Олимписки пливачки маратон кој што се одржа во Охрид.

На патеката долга 10 километри – Интернационален Олимписки Пливачки маратон, кај мажите триумфираше Евгениј Поп Ацев (ПК Вардар 2018). Поп Ацев немаше конкуренција, односно сам ја исплива трката.

Маратонот на 10 километри беше во организација на Клубот за спортови на вода Охридски бранови 2008 и Националната пливачка федерација на Македонија предводена од претседателот Александар Филипчев, со поддршка од Агенцијата за млади и спорт, компаниите Костал, Макпетрол АД, Општина Охрид и Агенцијата за цивилно воздухопловство.

National-Swimming-Federation-Национална-пливачка-федерација

Потоа, на 5км славеше Андреј Стојановски (ПФМ), пред Божидар Мирчевски (ВиП Работнички) и Петар Краљевски (Аква Куманово). Во истата категорија, но кај жените првопласирана беше Јана Костадинова (ПК Младост), а на втората и третата позиција се најдоа Калина Стојчевска (ПК Младост) и Лина Јордановска (ПК Младост).

На патеката долга 2,5км кај мажите прв е Андреј Крстевски (ПВК Орион), втор Марио Ѓузиќ (ПК Младост), а трет заврши Мане Манов (ПК Центар). Во женска конкуренција триумфираше Калина Стојановска (ПФМ).

За регуларноста на трката се грижеа 10 судии, истакнати професори по Физичко образование и култура, а за безбедноста и здравјето на пливачките беше задолжен Црвен Крст – Охрид.

Претходно првата трка се одржа во рамките од Илинденскиот пливачки маратон, а последната трета ќе биде во Велес наредниот месец.

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close