Помалите партии извисија за една изборна единица и отворени изборни листи
Работните групи на СДСМ, ВМРО – ДПМНЕ и ДУИ вчера ги усогласиле измените во Изборниот законик со препораките на ОБСЕ И ОДИХР.
Ваквата информација ја потврди пратеникот од редовите на ДУИ, Артан Груби. Изборниот модел за предвремените останува ист – шест изборни единици и затворени листи.
-Веќе сме усогласиле текст на Предлог-закон кој во себе ги инкорпоира сите препораки на ОБСЕ и ОДИХР од последните три изборни процеси- претседателските, референдумот и локални избори и во тој предлог не се дискутира за изборниот модел, Апсурдно е да се дискутира промената на изборен модел на пет месеци до одржување на тие избори- вели Груби.
Од ВМРО-ДПМНЕ кој се залагаше за мнозинскиот модел со 120 изборни единици сметаат дека е доцна за менување на изборен модел.
-Менување на изборен модел на закажани и договорени избори на неколку месеци од правна точка, но и од аспект на граѓантие, во моментов сметаме дека не треба да се случи. Но она што го предлагаме го оставаме како отворена врата за да се продложи со преговорите и ако најдеме заеднички јазик како и досега во минатото, со консензус меѓу политичките партии ќе бидат донесени тие изнеми- рече генералниот секретар на ВМРО-ДПМНЕ, Игор Јанушев.
Лидеорот на СДСМ, Заев вчера рече дека поддржува една изборна единица и отворени листи, но дека ваквите измени треба да се носат со консензус.