Политичките препирки околу дочекот на хрватските ракометари продолжуваат, а најновите информации од Загреб се дека има нов пресврт, свеченоста сепак ќе се одржи на плоштадот во главниот град.

Ракометарите претходно поставија ултиматум на кој Градот Загреб не се согласи, тие инсистираа на настап на пејачот Томпсон, познат по своите националистички песни. Градоначалникот го одбил барањето, појаснувајќи дека додека тој е на функција, Томпсон нема да настапува на градските манифестации.

Се понудија други градови да го организираат дочекот, но ракометарите го одбија таквиот предлог. Сега, ситуацијата доби нов тек, хрватската влада реши да ја преземе организацијата на настанот. Според најавите, дочекот на ракометарите ќе се одржи на плоштадот во Загреб, а настап ќе има и Томпсон.

Настанот е закажан за во 18 часот.