Руската армија го освои рударскиот град Покровск во Донецк, кој е под интензивен напад околу една година, изјави денес портпаролот на Кремљ, Дмитриј Песков, пред новинарите.

Покровск, или Красноармејск, како што го нарекуваат Русите, е клучен транспортен центар за украинската армија во Донбас, а Песков истакна дека претседателот Владимир Путин бил информиран за успешната акција на руската армија.

Засега нема официјална реакција од Киев.  Во исто време руските сили го освоија и градот Вовчанск во регионот Харков, наведува агенцијата. Вовчанск е еден од најважните одбранбени центри за украинските вооружени сили во источниот регион Харков.

Украинскиот претседател Володимир Зеленски изјави за време на посетата на Париз дека околу Покровск и во регионот Харков сè уште се водат интензивни борби, но не кажа дали градот е целосно окупиран од Русите.

Сепак, како што јавува Ројтерс, повикувајќи се на руските воени команданти Покровск е освоен од руската армија а тоа му било и соопштено и на претседателот Владимир Путин во неделата вечерта дека силите на земјата ги освоиле украинските градови Покровск и Вовчанск на фронтот.

Украинските власти не потврдија дека ниту едно од двете места паднало во руски раце. Украинската војска во понеделникот објави за 43 руски напади во секторот околу Покровск.