Дуа Липа синоќа пристигна во Приштина, каде што ќе биде дел од „Sunny Hill Festival”. Заедно со неа е и нејзиното ново момче, Анвар Хадид, коj престојува за прв пат во Косово. Со постирање на социјалните мрежи, Анвар се чини дека е голем ентузијаст за оваа посета.

Хадид и Липа синоќа се прошетаа низ улиците во Приштина, а во едно видео се гледаат двајцата како се качуваат во обелискот на независноста на Косово “Newborn”, пренесува Телеграфи.

Инаку Фондацијата „Sunny Hill“, создадена од Дуа Липа и нејзиниот татко, Дукаѓин Липа, заедно со Општина Приштина, денеска најавија создавање музичка академија за млади таленти во Косово.
Градоначалникот на Приштина, Шпенд Ахмети на заедничка прес-конференција со Дукаѓин и Дуа Липа, најави дека Фондацијата „Sunny Hill“ заедно со Општина Приштина ќе инвестираат 150 илјади евра за реализација на проектот „Sunny Hill Academy“, пренесува Приве.