Денеска на 81-годишна возраст почина францускиот политичар и дипломат Франсоа Леотар. Веста ја објави францускиот претседател Емануел Макрон на Твитер.

-Франсоа Леотар ѝ служеше на државата и носеше одлична идеја за културата. Со неговото заминување губиме слободен дух, човек на книгите и посветеноста. Неговиот роден Вар, Франција што ја бранеше и Републиката што ја сакаше, денес чувствуваат голема загуба“, напиша Макрон.

François Léotard a servi l’État et porté une grande idée de la culture. Avec sa disparition, nous perdons un esprit libre, un homme de livres et d’engagement. Son Var natal, la France qu’il a défendue, la République qu’il aimait éprouvent aujourd’hui une grande perte.

— Emmanuel Macron (@EmmanuelMacron) April 25, 2023

Леотар ѝ е познат на македонската јавност како специјален претставник на ЕУ за време на конфликтот во 2001 година и еден од „олеснувачите“ за постигнување на Охридскиот рамковен договор. Тоа беше неговата последна политичка или дипломатска функција, по која се повлече од политиката и отвори тинк-тенк посветен на односите меѓу Европа и Блискиот Исток.