Денеска на 80-годишна возраст, во старскиот дом  „Сју Рајдер“, каде ги поминуваше пензионерските години, почина Благој Богоевски, во Битола познат како Германецот.

Богоевски бил добитник на лото во Германија – тој во 1984 година добил премија од над 650.000 тогашни германски марки (околу 730.000 денешни евра). По големата добивка во градот Кајзерслаутерн, Богоевски се вратил во Битола, каде одлучил да живее до крајот на животот.

Тој беше голем љубител на фудбалот и ракометот, а едно време ја извршуваше функцијата генерален секретар на фудбалскиот клуб Пелистер.

Благој Богоевски ќе биде погребан утре на Светонеделските гробишта во Битола.