Министерот Цветан Трипуновски денска објави дека по цели 6 години застој, Охридското езеро ќе се пориби со околу милион единки подмладок на охридска пастрмка
-Денеска бев во Хидробиолошкиот завод – Охрид и во Мрестилиштето Шум – Струга по повод порибувањето на Охридското езеро!
По цели 6 години застој, Охридското езеро ќе се пориби со околу 1 милион единки на охридска пастрмка.
• Хидробиолошкиот завод – Охрид одгледа 620.000 единки (од минимум 400.000);
• Институтот за сточарство и рибарство одгледа 350.000 единки (од минимум 200.000);
За наредната година од Министерството предвидени се:
• 3,3 милиони денари за Хидробиолошкиот завод – Охрид;
• 1,7 милиони денари за Институтот за сточарство и рибарство;
• над 1,6 милиони единки на охридска пастрмка ќе бидат пуштени во езерото!
Како Министерство за земјоделство, шумарство и водостопанство работиме за одржување на рибниот фонд на Охридското езеро“, вели Трипуновски во објава на социјалните мрежи.