Принцезата на поп-музиката, Бритни Спирс сподели дека ќе стане мајка по третпат, а оваа среќна вест доаѓа неколку месеци по свршувачката со нејзиниот партнер Сем Асгари.

„Изгубив многу тежина за патувањето на Мауи и повторно си ја вратив. Си помислив: ‘Што ли ми се случи со стомакот?’ Сопругот ми рече: ‘Ти си бремена со храна, будалче.’ Па, направив тест за бременост… и …ќе имам бебе“, напиша Бритни на социјалната мрежа Инстаграм.

 

View this post on Instagram

 

A post shared by Britney Spears (@britneyspears)

Ова ќе биде прво заедничко дете на Сем и Бритни, која веќе има двајца синови од првиот брак со танчарот Кевин Федерлајн – 16-годишниот Шон Престон и 15-годишниот Џејден Џејмс.

Поранешниот сопруг на Бритни Спирс ѝ испратил порака преку својот адвокат, Марк Винсент Каплан.

„Кевин дозна дека Бритни објавила за бременоста на Инстаграм. Toj ѝ посакува среќна и здрава бременост и им честита на Бритни и на Сем Асгари“, изјавил адвокатот на Кевин за „NBC“.

Како потсетување, Бритни Спирс и Кевин Федерлајн се свршија во јули 2004 година. Бритни и Кевин го добија синот Шон Престон на 14 септември 2005, a следната година, на 12 септември, го добија и синот Џејден Џејмс. Пејачката и танчарот се разведоа на 30 јули 2007 година, а во октомври истата година, Бритни го изгуби старателството врз своите деца.

Бритни Спирс објави дека е бремена: Пејачката го очекува третото дете