Новата композиција со наслов „Карусел“ на македонската композиторка Ана Пандевска ќе има светска премиера на програмата на Фестивалот за современа музика во Демолд, Германија, во изведба на пијанистката Хајди Елзесер. На 3 октомври, Елзесер ќе одржи соло-рецитал на Фестивалот насловен „Бизарни светови“, а на рециталот во тесниот избор дела се најде и Пандевска со нејзината композиција за пијано и лента, која го отсликува карактерот со кој е насловен и самиот фестивал.

На програмата на рециталот се наоѓаат и дела од Карло Џезуалдо да Веноса, Мориц Егерт, Костадин Делиниколов, Михаило Трандафиловски. Пијанистката Хајди Елзесер, која живее и твори во Германија, редовно го промовира македонското творештво на странските сцени.

(Текстот е објавен во „Културен печат“ број 50, во печатеното издание на „Слободен печат“ на 26-27 септември 2020)