Пијан Австралиец сакал да заштеди, па се возел 400 километри држејќи се под камион
За да заштеди пари за такси и да помине неколку десетици километри бесплатно, пијан Австралиец се возел држејќи се за делови под камион и така поминал неколку стотици километри. Кога се фатил за долниот дел на камионот, 43-годишникот имал намера да се симне кога камионот ќе застанел на семафор.
Но, возачот фатил „зелен бран“, кој му овозможил да продолжи да вози неколку стотици километри. На крајот, човекот морал да се држи околу 400 километри, висејќи само околу половина метар над патот. Тој се надевал на бесплатно 30-минутно возење до градот Кофс Харбор во Нов Јужен Велс.
Сепак, тој завршил далеку во Квинсленд, објави новинската агенција ААП. Само по четири часа камионот запрел и во тој момент возачот се изненадил кога го видел човекот кој се појавил под камионот.
Патникот морал да плати казна од 288 австралиски долари. Полицијата потоа го однела на железничката станица на долгото патување кон југот на земјата.