Екипата на Силекс по трите порази во првенството, сега успеа да врзе две победи откако денеска го совладаа Пелистер на свој терен со 3-1.

Кратовци уште од самиот старт го наметнаа својот ритам и покажаа дека имаат јасна намера да ги освојат трите бода. Португалецот Пиреш неколкупати се најде во добра позиција, но водството за домаќините го донесе Дарко Додев во 19. минута.

До крајот на првиот дел Силекс имаше уште неколку шанси за зголемување на предноста, но резултатот остана непроменет. Во продолжението,идентична слика: домашниот тим доминираше, а Пелистер делуваше несигурно и без вистинска организација во одбраната. Таквата игра повторно ја искористи расположениот Додев, кој во 54. минута постигна уште еден гол за 2-0.

Иако се чинеше дека мечот ќе заврши без неизвесност, искусниот Стефан Спировски во 71. минута погоди за 2-1 и внесе мала доза на драматичност. Сепак, Силекс не дозволи изненадување и во самиот финиш Миљан Говедарица во 87. минута се погрижи за конечните 3-1.

Силекс на табелата е трет о 21 бод, колку што имаат Вардар и Шкендија кој својот меѓусебен натпревар ќе го играат в поенделник, Пелистер од друга страна е 10-ти со само седум бода по 10 кола.

Преземено од: Спорт.ком.мк