Кошаркарите на Партизан во српската пресметка денеска беа подобри од Црвена звезда во првиот натпревар од полуфиналето на плејофот во АБА лигата.

Дербито во Белградската арена пред 15 илјади навивачи им припадна на „црно-белите“ кои водеа практично од почетокот до крајот на мечот, беа посмирени, попаметни, со поефикасна реализација и триумфираа со 100:94.

Во текот на последната четвртина можеше да дојде и до неверојатен пресврт, Партизан имаше и предност од 20 коша разлика (84:64), па следуваше непотребно опуштање во играта и дозволи неговиот противник да дојде до дури „минус еден“ (95:94) во последната минута.

Со оваа победа, Партизан поведе со 1:0 во серијата, а да ве потсетиме, се игра на два добиени натпревари.

Кај победникот, Вашингтон постигна 23 поени, Браун 16, Џонс 15, а Џекири 14. На другата страна, Нвора беше стрелец на 31 поен, Батлер 18, Изунду 10.