-4 C
Скопје

Партиите ќе поминат неказнето за предвреме одржаните митинзи

Очекувавме политичките партии да пројават совест и да не функционира се врз основа на казни, изјави членот на Антикорупциската комисија, Катица Николовска, одговорајќи на прашањето зошто и ДКСК, но и Државната изборна комисија се прогласија ненадлежни за пријавите за предвремено започната кампања, што пристигнаа од учесниците во изборниот процес. Од Антикорупциска креваат раце и велат дека поради вонредната состојба практично ниту еден орган не може да ги санкционира партиите, кои пред официјалниот старт на изборната кампања организираа партиски собири и трибини, делеа пропаганден материјал, а имаше и случаи на политичко рекламирање во дел од медиумите.

– За време на вонредна состојба беа укинати активностите на органите, на државните институции, како на Државната комисија за спречување корупција, така и на ДИК. Немаше кој да постапува. Во вонредна состојба не важат правилата за изборните процеси. Немаше ниту владина уредба во тој период која ќе предвидеше вакво постапување, тврди Николовска.

Прочитајте и...  ЕК: Најрано на лето ќе размислуваме за олабавување на мерките

Негодување што партиите ќе поминат неказнето за нарушување на изборните правила, пристигна и од невладината организација ЦИВИЛ, што го набљудуваше избирачкиот процес.

– Не ни е чудно што Антикорупциската комисија тврди дека не е надлежна во конкретната ситуација. Чувар на законитоста на изборниот процес е Државната изборна комисија. Ако ДИК нема одговор за нерегуларностите, не знам кој друг би бил надлежен. ЦИВИЛ костатира бројни случаи на нарушување на демократските стандарди. Иако била прогласена вонредна состојба во ниту еден случај не треба да се анулираат постоечките закони за изборниот процес, изјави за Слободен печат Џабир Дерала.

И од ДИК сметаат дека нема основ да постапуваат по членовите од Изборниот законик, бидејќи кога се одржувале партиските настани за кои има пријави се уште била на сила вонредната состојба. Дополнително, од ДИК велат дека не знаат зошто Антикорупциската комисија воопшто им го испратила приговорот и им предложија повторно да го разгледуваат.

Прочитајте и...  ВИДЕО | Земон: Со евентуалното вето Бугарија гради кинески ѕид помеѓу двете земји

За време на вонредната состојба Владата единствено издаде уредба за прашања поврзани со изборите, во која се наведува дека од нејзиното стапување на сила па се до престанокот на вонредната состојба не се применува членот 8-а од Изборниот законик, за кој надлежна за постапување е Антикорупциската комисија. Истото се однесува и на членот 69-а, што се однесува на роковите за започнување на изборната кампања, што де факто ги „озакони“ неправилностите во однос на партиските собири пред почетокот на кампањата, што финишираше на 15 јули.

 

Поврзани вести

Заев: Обидот да се блокира Собранието е опасно, срамно и неодговорно однесување

Слободен печат

ВИДЕО | Георгиевски: Бевме убедувани дека мора да се бориме против Бугарија, дека може да нè нападне секој момент

Слободен печат

Во светот околу 500 новинари починаа од последици од Ковид-19

Слободен печат

Попов: Билатералните спорови треба да останат надвор од процесот на преговори

Слободен печат

ВИДЕО: Во инцидентот во Трир четири жртви и 15 повредени, возачот уапсен

Слободен печат

Јан Коп: Прашањето не е дали ќе има меѓувладина конференција, туку кога?

Слободен печат

Остави Коментар