Во Узбекистан денеска се одржуваат парламентарни избори, на кои учествуваат пет партии кои го поддржуваат реформистичкиот претседател Шавкат Мирзиоев.

Денешните избори се први откако Мирзиоев ја презеде власта во 2016 година по смртта на Ислам Каримов, кој 27 години владееше со поранешната советска република со население од 33 милиони.

Мирзиоев, кој претходно беше премиер, вети дека земјата ќе ја отвори кон светот, по неколкудецениска целосна изолација.

Изборите се одржуваат според модернизиран изборен систем по кампања во која за првпат во историјата на Узбекистан се одржуваа телевизиски дебати на кандидатите.

Набљудувачката мисија на ОБСЕ, сепак, во својот извештај наведе дека треба да се направат уште многу работи, а препораките на организацијата се однесуваат на правата на собири, здружување и изразување