Во шумите околу Апатин, Пригревица и Сонта, можете да видите диви свињи, срни, лисици, чакали, a иако приказната за наводно присуство на пантерот во околината веќе достигна неверојатни размери, ловците не веруваат многу во таа приказна, пишува РТС.

„Секој ден имаме над сто луѓе кои ловат и никој ништо не забележал. Веројатно се работи за ловечка приказна“, вели Илија Дрљача, претседател на Ловечкото друштво Курјачица од Пригревица.

„Еден колега ловочувар обиколи сѐ и не најде траги“, вели ловочуварот Радован Дамјановиќ.

Единствената трага е необичен отпечаток од шепа што бил пронајден, но самото животно не е видено. Ова во телефонски разговор за РТС го потврди Михајло Ивошевиќ, ловочувар на Ловечкото друштво Сонта, кој секојдневно е во ловиштето.

Дополнителна сериозност сепак даде и соопштението на Шумското стопанство Сомбор кое предупреди дека во атарите на општина Апатин е забележан црн пантер. Известувањето е дадено како мерка на претпазливост.